يالله البووم رااابح صقر 2004
(وهذا الوجه الاول من الشريط)
وش رايك
وش رايك الليلة...نسهر سهر ثاني
تنسى به احزانك...وانسى به احزاني
أجلس انا جنبك...وايدك على ايدي
تنسى مواعيدك...وانسى مواعيدي
الليلــــة فرحتنا...شف جونا رايق
خل اللي يكرهنا...يزعل ويتضايق
إحساسي بقربك...ما يشبهه إحساس
حبك شكل ثاني...ماهو مثل هالناس
---------------
يخلق الله
يخلق الله من الشبه قالوا اربعين..الا مثلك ما خلق ربي شبه
في حلاك احلف وانا صادق يمين..كل من ناظر جمالك يعجبه
شي طبيعي في حياتك معجبين..بس يا حظ اللي قلبك توهبه
والهوى في القلب ما هو في اليدين..ولا كل حقق اللي يطلبه
انا حبيتك قبل لا تعشقين..كني كنت أعرفك ولا مشتبه
عيدنا يوم صافحنا اليدين..والهوى جانا قبل لا نغصبه
جيتي الهام القصايد والحنين..لو هو قربك سم والله لاشربه
وانت لو شبهك خلق ربي اربعين..اعلن العالم حروب المطلبه
---------------
متميزة
متميزة بكل الصفات .. والليل نور يوم جات
ما مثل باقي البنات .. حكمة وقايلهـــا صدق
الله خلق والله فرق
من شافها عقله يطير .. يفرح ولو همه كبير
من غيرها تفرق كثير .. حكمة وقايلها صدق
الله خلق والله فرق
تاه العقل معها وحار .. نور القمر منها يغار
وقت المسا كنها نهار .. حكمة وقايلها صدق
الله خلق والله فرق
بعيوني ما تشبه احد .. منها الحكي مثب الشهد
تحكي واقول احكي بعد .. حكمة وقايلها صدق
الله خلق والله فرق
---------------
هلا وسهلا ومرحبتين
هلا وسهلا ومرحبتين ... هلا باللي يسر العين
حبيبي طول غيابــك ... ولا اعرف دروبك وين
غيابك اتعب احوالي ... وشغل فكري وشغل بالي
وانا تعرفني ما اصبر... عن فراقك ولا يومين
هلا يا بهجة عيوني ... وضيا ليلي وقمر كوني
نعم لفيت هالدنيــــا ... ولا شفت بحلاك اثنين
تعبت استنى هالطله ... اذوب واحترق والله
واخيرا جيت يا عمري ... وحياتي وسيد الحلوين
---------------
تعبت
تعبت من طول السهر وانتظاره..ابستريح اليوم ماني بسهران
شفت الهوى يذوي عشت احتضاره..ولاني بموهوم ولاني بغلطان
هان الغلا يا كيف قفي نهاره؟..قالوا سلام الله على كل ما كان
كنت احسبك في ليل عيني مناره..واثرك وهم من يتبعك بات غرقان
قطعت حبل الود ماهي شطاره..توي عرفتك زين مافيك وجدان
ياما لعبت الود باسم الحظارة..وخنت الوفا وتستاهل وسام خوان
وادعي رح الفرح وتجرع مراره..واضحك على عمرك ترى كل شي بان
هزمتني لكن كسبت الخسارة..والله ما تلقى عقب صدي انسان
---------------
من هواني
من هواني هويته ومن نساني نسيت..الجفا بالتجافي والوصل بالوصال
ومن رخصني رخصته ومن فداني فديت..بس محال اني القى مثل حبك محال
وحدك بسوق قلبي فيه بعت وشريت..وما احد زاد عنك في البها والدلال
كل شيء رضيته منك والله رضيت..وذقت انا المر منك يا حبيبي زلال
صعب تلقى بدالي عني لو رحت وجيت..البدر ما يبدل طلته بالهلال
ما يفيد الاماني دوم كلمة يا ليـــــــت..مثل من كاني يبني غايته في الرمال
كاس حبك شربته ولا منه ارتويت..كل ما غبت عني قال حبك تعال
عزة النفس دايم غايتي من حبيت..عمري ما ارخصت قلبي مهما في الحب مال
(وهذا الوجه الثاني من الالبوم الرائع للفنان رابح)
سولف اكثر
سولف اكثر وانا باحاول اسمع شوي..ولين قلت انتهينا قلت بالله عيد
منشغل عن كلامك فيك بالفين شي..فيك ياللي انت غير بكل شي اكيد
انت يا حي شفني ميت فيك حي..ماذبحه الغرام العف واصبح شهيد
انتظرتك كثير اهلين يا اغلى هلي..خذ من القلب كله وافعل اللي تريد
كيف تسأل من اشبه وانت ما خلق زي..يشبهك في البها ياللي انت في الناس سيد
روح مدري تعال بخافق كان لي..لكن انك ملكته وصرت فيه الوحيد
---------------
باين عليك
باين عليك اليوم زعلان مني...حبيب قلبي قلي اشفيك زعلان
لايكون احد جاك وحكى شي عني...غلطان لو صدقت والله غلطان
مفروض ما تسمح لأحد يتهمني...تعرف غلاك وتعرف القلب ما خان
انا من اول يوم شفتك وكني...غريب لا قاله وطن بين الاوطان
لا ينشغل بالك حبيبي لأني ...ولهان بغيابك واذا جيت ولهان
لو اخسر العالم ابفرح واغني...(رابح)انا بحبك ولو كنت خسران
انت الوحيد اللي بحبه سكني...عجزت توفيك القصايد والالحان
ما اشوف انا غيرك وحبك سكني...ما كن في الدنيا ابد غيرك انسان
---------------
صدقيني
صدقيني عجزت انساك ... عجزت اداري احزاني
تمنيت العمر وياك .... ولا يرخص لأحد ثاني
انا في همي متأسف ... على حبي على ايامي
انا من زود ما فيني ... تمنيتك في احلامي
احاول ابتعد عنك ... ولكن من يسليني
ذبحت القلب وهو حنك ... عذابه حيل مشقيني
نثرت اوراق مكتوبة ... قصايد حبي واشعاري
محيت اسمك يا محبوبة ... ونويت اختار مشواري
---------------
ابعد واقرب
ابعد واقرب وانت للبعد ناوي..واقرب وتبعد وانت للقرب مشتاق
بيني وبينك هاجس امر سماوي..مافيه ابد اصدق من الحب ميثاق
حبي وحبك يا عيون النداوي..يبعد ويقرب مثل رمش الاحداق
واهات مجروح المحبه عزاوي..يصرخ بها قلب من الضيق خفاق
في حبنا يا صاحبي لا تراوي..اذكر جميله كل ما خاطرك ضاق
وعلم عيونك تستثير النخاوي..حرب الغرام اصغر ضحاياه الاخلاق
لك انت قلبي بالمحبه نحاوي..ولا قد طرا لي بالهوى طاري افراق
---------------
شكلك زعلت
يوم شفتك ما سألت .. ضاق صدري وما احتملت
قلت يمكن من عتبنا .. البارحه شكلك زعلت
من كثر شوقي اللي فيني .. جيت يسبقني حنيني
جابني خوفي عليك .. قلت ابعرف شلي فيك
قلبي مشكلته يحبك .. ويتعب ان شافك تعبت
على الاقل سمعني صوتك .. لا تعذبني بسكوتك
لو انا اخطيت اعتذر منك .. ياللي عمري ما املك
ولا تشك مره بغلاتك .. يا بعد هالدنـــــيا انت
---------------
التحدي
التحدي والتصدي عادة القلب الصبور..والصمود اقرب مسافة لكن الفترة دهر
والخساير عاندتني وحوطتني بالف سور..والخيانة للأمانة زودت قلبي قهر
كنت ابقدم للنهاية لكن الدنيا تدور..وقفت وياي ليلة واكتمل ضدي شهر
كل ما طلت الحقيقة وامتلا قلبي سرور..طاولتني من عذولي طعنة وسط الظهر
حرت اميز في دروبي بين نار وبين نور..بين هجعة ليل ولا صحوة اجفان وسهر
خانت ظنوني عيوني وخانني ذاك الشعور..اقطف الشوكة بيدي واحسب الشوكة زهر
مشتهر بلسان صادق ما حكى بالصدق زور..ولا حكى عني لساني ولا جهرت ولا جهر
كم كتمت السد وافي خايف اعصابي تثور..لين باح السد لما مدمعي بان وظهر
ولا طوت رجلي مسافة ولا اثرت فيني شهور..ولا كوت قلبي حريقة ولا طفى ضوي نهر
معتري درب النهاية بعبر ضفاف البحور..واشبك الدنيا بكفي وادفع ايامي مهر
ودام هذا عنفواني واضح بين السطور..من يلوم الدرب فيني لو قهرته وانقهر
ويبتدي مرة جديدة دام انا قلبي جسور..تجربة والعمر مرة والسنة اثنا عشر شهر
انشالله تعجبكم..
الأربعاء 16 أبريل 2008, 12:19 pm
